राजधानीमै सबैभन्दा ठूलो सुजुकी ड्राइभिङ स्कुल सञ्चालनमा

ललितपुर, १ असार । एकान्तकुनामा ३५ रोपनी क्षेत्रफलमा ‘सुजुकी ड्राइभिङ स्कुल’ सञ्चालनमा आएको छ ।
सुरक्षित सवारी सञ्चालनलाई प्राथमिकता दिँदै स्थापना गरिएको सो स्कुलको उद्योगपति अरुण चौधरी र मारुती–सुजुकी भारतका कार्यकारी निर्देशक सशाङ्क श्रीवास्तवले संयुक्त रुपमा उद्घाटन गर्नुभयो । स्कुलका अध्यक्ष राजन क्षेत्रीले यहाँको सिकाइ विश्वस्तरको हुने उल्ल्ेख गर्दै दुर्घटना कमी गर्नु आफूहरुको लक्ष्य रहेको बताउनुभयो ।
“अज्ञानता र अनुशासनको कारण नेपालमा अत्यधिक सडक दुर्घटना भइरहेका छन्, हामी सवारीसाधान चलाउन सिक्दैखेरी अनुशासनलाई प्राथमिकता दिनुपर्छ भन्ने मान्यता प्रशिक्षार्थीलाई सिकाइरहेका छौंँ,” उहाँले भन्नुभयो । उपत्यकामा थप तीन ठाउँ र उपत्यका बाहिर प्रमुख सहरमा शाखा विस्तारको तयारी भइरहेको उहाँले जानकारी दिनुभयो ।
काठमाडौँ उपत्यकाको सबैभन्दा ठूलो क्षेत्रफलमा फैलिएका उक्त स्कुलमा १४ जना प्रशिक्षक रहेका छन् । उनीहरुले चारपाङ्ग्रे र दुईपाङ्ग्रे सवारीसाधन चलाउन प्रशिक्षण दिने क्षेत्रीले बताउनुभयो । रासस
dainiknepal

Continue Reading…

संसदबाट कानुनसम्बन्धि तीन महत्वपूर्ण विधेयक स्वीकृत

काठमाडौँ, १ असार । व्यवस्थापिका–संसदले आज न्याय क्षेत्रका विभिन्न तीन विधेयकलाई सैद्धान्तिक छलफल गरी स्वीकृत गरेको छ ।
कानुन, न्याय तथा संसदीय मामिलामन्त्री अग्निप्रसाद खरेलले विचार गरियोस् भनी प्रस्ताव प्रस्तुत गर्नुभएको “केही नेपाल कानुनलाई संशोधन, एकीकरण, समायोजन र खारेज गर्ने विधेयक, २०७१” लाई सर्वसम्मतिले स्वीकृत गरेको हो ।
त्यस्तै, सदनमा आजै कानुनमन्त्री खरेलले “सर्वाेच्च अदालत (पहिलो संशोधन) विधेयक, २०७३ माथि विचार गरियोस्” भनी प्रस्ताव प्रस्तुत गर्नुभएको सो विधेयक बहुमतले पारित भएको सभामुख ओनसरी घर्तीले घोषणा गर्नुभयो ।
मन्त्री खरेलले “न्यायसेवा आयोग विधेयक, २०७३ माथि विचार गरियोस्” भनी प्रस्ताव प्रस्तुत गर्नुभएको अर्काे विधेयकमाथि भएको छलफल पश्चात् उक्त विधेयक पनि बहुमतले स्वीकृत भएको थियो ।
विधेयकमाथिको सैद्धान्तिक छलफलका क्रममा कानुनमन्त्री खरेलले बैठकमा उठेका प्रश्नको जवाफ दिएपछि ध्वनि मतका आधारमा उक्त विधयेकहरु स्वीकृत भएका हुन । रासस
dainiknepal

Continue Reading…

दक्षिण कोरियामा युवा बेरोजगार दर बढ्यो

सोल, दक्षिण कोरियामा मे महिनामा युवाको बेरोजगारी दर बढेको समाचार छ । यसअघिको तुलनामा मे महिनामा दक्षिण कोरियाको युवा बेरोजगार दरमा बृद्धि भएको हो ।

दक्षिण कोरियाको सरकारी तथ्यांकअनुसार यस महिना गत वर्षको तुलनामा युवा बेरोजगार दरमा बृद्धि भएर ९.७ पुगेको छ ।
यो तथ्यांक विगत वर्षको तुलनामा यसवर्ष ०.४ प्रतिशतले बृद्धि हो । विगतका वर्षहरुको तुलनामा यसवर्ष भएको यो बृद्धिको बारेमा कोरियाली तथ्यांक विभागले बुधबार सार्वजनिक गरेको हो ।

यसवर्ष १५ देखि २९ वर्ष उमेरका युवाहरुमा बेरोजगारी दरमा बृद्धि भएको र मे महिनामा यो दर ९.७ पुगेको बुधबार सो विभागले जानकारी दिएको बताइएको हो ।

यो उमेरका युवाको बेरोजगारी दरमा बृद्धि हुदै गएको छ । यसअघिका वर्षहरुमा सन् २०१३ मा यही मे महिनामा नै यो दर ८.७ प्रतिशत थियो भने सन् २०१४ यसमा बृद्धि भएर ९.३ पुगेको थियो ।

बिगतका यी दुई वर्षहरुको तुलनामा यसवर्ष पनि बेरोजगारी दरमा बृद्धि भएको हो । यो बृद्धि दर सन् २०१५ को मे महिनाको तुलनामा ०.४ प्रतिशत रहेको तथ्यांक विभागले जनाएको छ ।

तर यसको तुलनामा दक्षिण कोरियाको बेरोजगारी दरमा भने बृद्धि भएको छैन । पछिल्लो समयमा युवाहरुमा यस्तो प्रतिशत बढ्न थालेको समाचारमा जनाइएको छ । रासस÷सिन्ह्वा news24nepaltv

Continue Reading…

कांग्रेसले नमाने राष्ट्रपतिमार्फत सिधै न्यायाधीश नियुक्ति गराउन सकिन्छः कानुनविद्

काठमाडौँ, १ असार । न्याय सेवामा पर्याप्त मात्रामा जनशक्ति नहुँदा नागरिकले छिटो-छरितो प्रक्रियाबाट न्याय पाउन सकेका छैनन् ।
न्याय दिने निकाय नै पूर्ण हुन नसक्दा नागरिकले छिटो-छरितो तरिकाले न्याय पाउनबाट वञ्चित हुँदै जाने अवस्थाको सिर्जना भएको हो ।
नेपालको संविधानले सर्वोच्च अदालतमा प्रधानन्यायाधीशसहित २१ जना न्यायाधीश रहने व्यवस्था गरेको भए पनि अहिले नौजना न्यायाधीश मात्र कार्यरत रहेको अवस्था छ । न्यायाधीशको कमीका कारण पनि मुद्दाको छिनोफानो सोचेजति छिटो हुन सकेको छैन ।
सर्वोच्चमा अहिले पनि २२ हजार मुद्दा विचाराधीन अवस्थामा छन् । रिक्त न्यायाधीश पदपूर्तिका लागि न्याय परिषद्बाट तीन महिनाभन्दा अघि सिफारिस गरिएको भए पनि त्यसले पूर्णता पाउन सकेको छैन ।
संसदीय सुनुवाइको व्यवस्था नहुँदा सिफारिस भएका न्यायाधीशले पनि काम सुरु गर्ने अवस्था छैन ।
संसदीय सुनुवाइ समिति गठन हुन नसक्दा सर्वोच्च अदालतका प्रधानन्यायाधीश सुशीला कार्की आफै कायममुकायमको रुपमा काम गरिरहनुभएको छ ।
अधिवक्ता डा चन्दकान्त ज्ञवालीका अनुसार जतिसक्दो छिटो संसदीय सुनुवाइ समितिको व्यवस्था गरेर सिफारिस भएका न्यायाधीशको सुनुवाइ गर्नु जरुरी छ ।
संविधानसभा नियमावली–२०७२ को प्रयोग गरेर ७५ जनाको संसदीय सुनुवाइ समिति वा नयाँ संविधानअनुसार प्रस्तावित नियमावलीमा १५ जनाको संसदीय सुनुवाइ समिति निर्माण गरेर छिटो प्रक्रिया अघि बढाउन सकिन्छ ।
अधिवक्ता ज्ञवालीले अझ अर्को विकल्प पनि देखाउनुएको छ । “संविधानसभा नियमावलीअनुसार सिफारिस भएका न्यायाधीशलाई पत्र पठाएको मितिले ३५ दिनभित्र सुनुवाइ नभए ३६ औँ दिन राष्ट्रपतिमार्फत नियुक्ति गराई काम सुरु गर्न सकिन्छ”–उहाँले भन्नुभयो ।
नेपाल वार एसोसिएसनका अध्यक्ष शेरबहादुर केसीले तत्कालीन प्रधानमन्त्री सुशील कोइरालाले न्यायधीशका लागि सिफारिस गरेका रामप्रसाद सिटौलाको सुनुवाइ रोकेर वर्तमान सरकारले नै ढिलाइ गरेको आरोप लगाउनुभयो ।
नेपाल बार एसोसिएसनका पूर्व महासचिव तथा अधिवक्ता रमन श्रेष्ठले दलहरुको विवादका कारण संसदीय सुनुवाइ समिति गठन नहुँदा न्याय प्रक्रिया छिटो-छरितो हुन नसकेको बताउनुभयो ।
“संविधान असफल बनाउन संविधान जारी गर्ने दलहरु नै लागेका छन्, संविधान कार्यान्वयन गर्न त मुलुकका जिम्मेवार दल मुलुकप्रति इमान्दार हुनुपर्यो नि !, किन नागरिकले न्यायमा ढिला भाको छ बुझनुपर्यो ।”
संवैधानिक अङ्गका पदाधिकारीहरुलाई सिफारिस भएपछि परीक्षण र सन्तुलनका संसदीय सुनुवाइ व्यवस्था छ । सो सुनुवाइ समिति गठन हुन नसक्दा न्याय सेवाको प्रक्रिया लम्बिदै गएको छ ।
राज्यको प्रमुख तीन अङ्गमध्ये एक अङ्गका रूपमा रहेको न्यायपालिकालाई सवल र सक्षम बनाउने राज्यको कर्तव्य भए पनि त्यसतर्फ सरकार र प्रतिपक्ष दलको ध्यान जान सकेको छैन । न्यायलयमा जनशक्ति कम हुँदा नागरिकले छिटो न्याय पाउन सकेका छैनन । रासस
dainiknepal

Continue Reading…

चीनले नेपालमा ड्रिम प्रोजेक्ट अगाडि सारेपछि ‘भारतीय दलाल’हरु सल्बलाए

काठमाडौं, १ असार । नेपालमा चीनले लगानी बढाउन थालेपछि दलालहरु सल्बलाएका छन् ।
हुँदाहुँदा उत्तरी छिमेकी मुलुक चीनले काठमाडौंमा मेट्रो ट्रेनसहित सुर्खेतमा सेनाको मध्ये एअरबेस खोल्ने, भू-उपग्रहसहित मधेसका जिल्लामा ४/५ वटा ठूला परियोजना सञ्चालनमा ल्याउनेलगायत झन्डै दुई दर्जन स्वप्न परियोजना सुरु गर्ने कुराको सुइँको पाएपछि अहिले काठमाडौंमा दक्षिणी सल्बलाहट देखिने गरी बढेको छ ।
लाजिम्पाटस्थित होटल र्याडिसन र बौद्धको हायात रिजेन्सीमा दक्षिणका पहुलनाको भीड छ । यहि मेसोमा नेपालस्थित अमेरिकी राजदूत एनाई बी टेप्लिज आइतबार आठ सदस्यीय टीमसहित हिमालपारिको जिल्ला मुस्ताङ छिरेकी छन् ।
आज असार १ देखि २५ दिनका लागि उपल्लो मुस्ताङमा चिनियाँ व्यापार मेला सुरु हुँदैछ ।
अमेरिकी राजदूतका लागि नेपालको अति विकट क्षेत्र, त्यसमाथि चिनियाँ सुरक्षा अधिकारीको निर्वाध आउ जाउ चल्ने ठाउँमा भ्रमण हुने सामान्य भन्दा फरक रुपमा हेरिएको छ ।
जनआस्था साप्ताहिकमा खबर छ ।
dainiknepal

Continue Reading…

‘नेपालको समृद्धिमा हातेमालो गर्न भारत तयार’

२०७३ असार १ बुधवार

भैरहवाः नेपालका लागि भारतीय राजदूत रञ्जीत रे ले नेपालको समृद्धिका लागि भारत सरकार हातेमालो गर्न तयार रहेको बताएका छन् ।

बुधबार बिहान निमा मेमोरियल हेल्थ इन्सिच्यूडको भवन उद्घाटन समारोहमा बोल्दै राजदूत रेले भने, ‘भारत सरकार नेपालको आर्थिक समृद्धिका लागि हातेमालो गर्न सधैँभरी तयार छ ।’

राजदूत रे ले नेपालमा राजनीतिक विकासको अपेक्षा गरेको समेत बताए ।

भारतीय सरकारको आर्थिक सहयोगमा निर्मित प्रतिमान निमा मेमोरियल हेल्थ इन्सिच्यूडको भवन श्रम तथा रोजगार मन्त्री दीपक बोहरा र राजदूत रे ले संयुक्त रुपमा उद्घाटन गरे ।

भारत सरकारबाट प्राप्त ३ करोड ७५ लाख ६२ हजार ८ सय ७१ रुपैयाँ लागतमा निर्मित भवनमा २२ कोठा रहेका छन् ।
भवन ११ हजार ४ सय ७२ दशमलब ७५ वर्गमिटर क्षेत्रफलमा फैलिएको छ । भवन राष्ट्रिय भवन संहिता अनुरुप भूकम्प प्रतिरोधात्मक शैलीमा तयार गरिएको भवनमा निर्माणमा संलग्न प्राविधिकले बताए ।

भवन उद्घाटन समारोहलाई सम्बोधन गर्दै मन्त्री बोहराले दक्ष जनशक्ति उत्पादन गर्ने प्राविधिक शिक्षालयमा सरकारले जोड दिइरहेका बताए ।

बोहराले प्रतिमान निमा दक्ष जनशक्ति उत्पादन गर्ने व्यवसायिक प्रतिष्ठानको उद्घाटन गर्न पाउँदा खुसी लागेको बताए।
इन्सिच्यूडका संरक्षक डा. आलोक बोहराको अध्यक्षतामा सम्पन्न कार्यक्रममा सांसदह अब्दुल रज्जाक, इस्तियाक अहमद खाँ र रुपन्देहीका विभिन्न कार्यालय, संघसंस्था र राजनीतिक दलका प्रमुखको सहभागिता थियो ।

इन्सिच्यूडमा ल्याब टेक्निसियन र एसिस्टेन्टको अध्ययन अध्यापन भइरहेकोछ । अबको शैक्षिक सत्रदेखी फार्मेसी, फरेस्टी र रेडियोग्राफीको पनि पढाइ शुरु हुने इन्सिच्यूडका प्रबन्ध निर्देशक धर्मबहादुर के.सील जानकारी गराए ।
annapurnapost

Continue Reading…

उपराष्ट्रपतिको चीन भ्रमणमा मामुली ‘टुरिस्ट गाइड’ घुसेपछि…

काठमाडौं, १ असार । एसियाली मुलुकका नीति र योजनाकारको उच्चस्तरीय सम्मेलनमा चिनियाँ राष्ट्रपति सि जिनपिङद्वारा प्रस्तुत ‘वन बेल्ट वन रोड’ सम्बन्धी नीतिमा नेपालको तर्फबाट फर्जी मानिसले प्रतिनिधित्व गर्दै टिप्पणीसमेत गरेका छन् ।
चीनजस्तो विश्वकै दोस्रो ठूलो आर्थिक साम्राज्यद्वारा आयोजित एसियाली मुलुकका नीति र योजनामारको उच्चस्तरीय सम्मेलनमा नेपालबाट गलत हैसियत र पद राखेर गएका नक्कली व्यक्तित्वले प्रतिनिधित्व गर्नु मुलुककै लागि लज्जास्पद विषय बनेको छ ।

बेइजिङमा आयोजित सो ‘थिंकट्यांक’ सम्मेलन नेपालका उपराष्ट्रपति नन्दकिशोर पुन विशिष्ट अतिथि रहेको छैटौं दक्षिण र दक्षिण पूर्व एसियाली व्यापार मेलाको साइड लाइन सम्मेलन हो । यस्तो महत्वपूर्ण कार्यक्रममा गलत ढंगले प्रस्तुत गरी चिनियाँ राष्ट्रपतिको प्रस्तुतिमा निर्धक्क टिप्पणीसमेत गर्ने नेपाली पूर्वपरराष्ट्रमन्त्री रमेशनाथ पाण्डेका कान्छा छोरा नीरजनाथ पाण्डे र चितवनका कांग्रस नेता चाउएनलाई श्रेष्ठ हुन् ।
नीरज नेपालमा रहँदा चिनियाँ भाषासमेत जानेकाले चिनियाँ पर्यटकका लागि पर्यटक पथप्रदर्शकका रुपमा काम गर्ने स्रोतले बताएको छ ।
नेपालमा रहँदा चिनियाँ पर्यटकका ‘टुरिस्ट गाइड’ को भूमिका निर्वाह गरे पनि आइतबारदेखी दुई दिनसम्म चलेको ‘थिंकट्यांक’ सम्मेलनमा उनी प्रध्यापकका रुपमा प्रस्तुत भए ।
यसैगरि, चाउएनलाई भने भने नेपालका (निर्वाचित) संसद सदस्य भई त्यहाँ प्रवेश गरेका हुन् ।
जनआस्था साप्ताहिकमा खबर छ ।
dainiknepal

Continue Reading…