उपेन्द्र यादव रिले अनशनमा, महन्थ र राजेन्द्र अनुपस्थित

काठमाडौं २५, जेठ । संविधान पुनर्लेखनको माग राखेर आन्दोलन गर्दै आएको मधेसी मोर्चासहितका दल आबद्ध संघीय गठबन्धनले आजदेखि खुलामञ्चमा रिले अनशन सुरू गरेको छ ।
आज पहिलो दिनको अनशनको नेतृत्व संघीय समाजवादी फोरम नेपालका अध्यक्ष तथा गठबन्धनका संयोजक उपेन्द्र यादवले गर्नु हुनेछ ।
आजको रिले अनशनमा तराई मधेस लोकतान्त्रिक पार्टीका अध्यक्ष महन्थ ठाकुर र सद्भावना पार्टीका अध्यक्ष राजेन्द्र महतो भने अनुपस्थित रहनु हुने भएको छ ।
आजदेखि सुरू भएको रिले अनशन असार मसान्तसम्म चल्नेछ । रिले अनशन बिहान ७ बजेदेखि बेलुका ७ बजेसम्म चल्नेछ ।
अनशनमा करीव ३० जनाको सहभागिता रहने रिले अनशन व्यवस्थापनको जिम्मेवारी पाउनु भएकी संघीय समाजवादी फोरम नेपालकी नेतृ रेणु यादवले जानकारी दिनुभयो ।
प्रत्येक दिन ३ बजेदेखि अनशन स्थलमा सन्देशमुलक सांस्कृतिक कार्यक्रम गरिनेछ । अन्त्यमा गठबन्धनका एक जना शीर्ष नेताको धन्यवाद मन्तव्यसँगै दिनभरिको कार्यक्रम समापन हुनेछ ।
(तस्बिर सौजन्य ओम गुरुङ)
dainiknepal