अमेरिकाको वाशिंगटन राज्यमा नेपाली भाषा अंगीकृत

वाशिंगटन डिसी । अमेरिकाको वाशिंगटन राज्यमा नेपाली भाषामा लेख्न तथा बोल्न दक्ष हुने विद्यार्थीलाई सुवर्ण अवसर प्राप्त हुने भएको छ ।
विश्व भाषा योग्यता परीक्षण तथा विश्व भाषा क्रेडिट कार्यक्रम अन्तर्गत जो बिद्यार्थी अंग्रेजी भाषा बाहेक अन्य भाषा बोल्न तथा लेख्न जान्दछ उनीहरुले उच्च माध्यमिक बिद्यालय तथा महाबिद्यालयमा विश्व भाषा ख्याती (क्रेडिट )प्राप्त गर्न सक्ने भएका छन् ।
वाशिंगटन राज्य नेपाली भाषालाई अङ्गीकार गर्ने पहिलो राज्य बनेको छ । नेपाली समुदायको लागि खुसीको बिषय भएको छ ।
जुन बिद्यार्थीले राष्ट्रिय स्तरको मान्यता प्राप्त क्षमता प्रदर्शन मूल्यांकनमा योग्य साबित गर्छ उसले उच्च माध्यमिक बिद्यालयको अनुलिपि (ट्रान्सक्रिप्ट) मा राम्रो ख्याती प्राप्त गर्ने छ ।
यो शिशु कक्षादेखि १२ कक्षा सम्मलाई लागू भएको छ । यसको मुख्य उदेस्य एक भन्दा बढ्ता भाषा बोल्न जान्ने लाई समर्थन गर्दै पद्धतिलाई विकास गर्नु रहेको छ ।अमेरिकाको वाशिंगटन राज्यमा नेपाली भाषा अंगीकृत
वाशिंगटन राज्यमा नेपाली भाषालाई अंगीकृत गराउने श्रेय वाशिंगटन राज्यका गभर्नर जे इन्सलीले गरेका हुन् वाशिंगटन राज्य व्यवस्थापिकाले यसलाई मान्यता दिदै अन्य भाषाहरु झैँ नेपाली भाषालाई अंगिकार गरेको हो ।
नेपाली भाषालाई यसरि आफु बसेको राज्यमा सरकारको तर्फ बाट मान्यता दिनुको साथै अङ्गीकार गर्नु भनेको अमेरिकामा रहेका सबै नेपालीको शिर उच्च भएको एसिया प्रशान्त अमेरिकी मामिला आयोग आयुक्त मोहन गुरुङले बताए ।
वासिंटन राज्यका यिनै गभर्नर जे इन्सलीले गुरुङलाई कमिसन अन एसिया प्यासिफिक अमेरिकन एफियर्स कमिसन पदमा नियुक्त गरेका थिए िसन् १९९३ देखि अमेरिकामा बस्दै आएका गुरुङ स्वास्थ्य तथा समाज सेवाको क्षेत्रमा निकै क्रियाशील भएको कारण उनि त्यो पदमा पुग्ने पहिलो नेपाली हुन् िर यस्को लागि गुरुङ धेरै बर्ष देखि निरन्तर रुपमा लागि रहेको बताए ।
स्याङ्जा, पेल्का चौर गाविसमा जन्मिएका गुरुङले विशेष गरी शिक्षा, स्वास्थ्य, आर्थिक विकास, मानवीय सेवालगायतका क्षेत्रको विकासमा योगदान पु¥याएका छन् । गुरुङ नेपाल–सियाटल सोसाइटीका संस्थापक एवं अध्यक्ष समेत रहेका गुरुङ अमेरिकामा नेपाली संस्कृति, परम्पराको जगेर्ना गर्ने र नयाँ पुस्तालाई त्यसप्रति सजग गराउने कार्यमा पनि जुटी रहेका छन् । र ,नेपाली भाषालाई पनि स्थान दिएकोमा हर्ष लागेको भन्दै अन्य राज्यहरुमा बस्ने नेपाली समुदायले पनि यस्तो पहल गरे सबैलाई राम्रो हुने गुरुङले बताए ।
-dainiknepal