काश्मिरमा छ हतियारधारी एक सैनिक मारिए
१५ जेठ, एजेन्सी ।
भारत अधिनस्थ काश्मिरमा भारतीय सेनाले गरेको कारबाही र सेना र हतियारधारीबीच भएको भिडन्तमा परी ६ हतियारधारी र एक सैनिक मारिएका छन् ।
यस कारबाहीका क्रममा सेनाको गोली लागेर ती हतियारधारी मारिएको बताइएको छ । हतियारधारीले चलाएको गोलीबाट एक सैनिकको पनि मृत्यु भएको छ ।
बिहीबार काश्मिरको कुपवारा क्षेत्रको नौगाम क्षेत्रमा सो कारबाही भएको थियो ।
भारतीय सेनाले जनाएअनुसार गस्तीमा रहेको सेनाको समूहमाथि केही अज्ञात व्यक्तिको समूहले आक्रमण गरेको थियो ।
आक्रमणपछिको सेनाको कारबाहीमा परी ती हतियारधारी मारिएका बताइएको छ । त्यस क्षेत्रमा सेना र ती हतियारधारीबीच लामो समयसम्म भिडन्त भएको थियो ।
भारतीय सेनाका प्रवक्ता कर्णेल एन एन जोशीले सो जानकारी दिएका हुन । उनले कार बाहीका क्रममा ६ हतियारधारी एक सैनिक मारिएका र केही हतियारधारी घाइते पनि भएका बताए ।
सो क्षेत्रमा अहिले पनि छिटपुट भिडन्तहरु जारी नै रहेका पनि उनले जानकारी दिएका छन् ।nepaliheadlines
