कोरियामा निसासिएर नेपाली युवाको मृत्यु
सोलः रोजगारीका लागि दक्षिण कोरिया रहेका एक नेपाली युवाको कम्पनीको कामको क्रममा मृत्यु भएको छ ।
थेगुस्थित देसंग जेजिजु कम्पनीमा कार्यरत पाल्पाका यमबहादुर थापाको बुधबार मृत्यु भएको हो ।
कागज कम्पनीमा कार्यरत थापाले पुरानो ट्यांकी सफा गर्ने क्रममा रसायनको गन्धले निस्सासिएर मृत्यु भएको उनीसँगै कार्यरत कञ्चनपुरका मानसिंह साउदले जानकारी दिए ।
थापासँगै चारजना नेपाली उक्त कम्पनीमा कार्यरत थिए । करिब दुइ वर्षअघि आएका थापा बिबाहित हुन् । २३ वर्षीय थापाका एक छोरी र श्रीमती छन् ।
घटनाबारे विस्तृत प्रहरी रिपोर्ट आउन बाँकी रहेको सोलस्थित श्रम सहचारी देवराज ढकालले जानकारी दिए ।
annapurnapost
