बाबुरामको चेतावनी- मुलुक विखण्डनमा जान सक्छ
१९ जेठ, काठमाडौं ।
नया शक्ति नेपालका संयोजक तथा पूर्व प्रधानमन्त्री डाक्टर बाबुराम भट्टराईले देश जातीय द्धन्द हुँदै मुलुक बिखण्डनमा जाने खतरा बढेको बताएका छन् ।
आदिवासी जनजाती नयाँ शक्ति नेपालले बुधबार काठमाडौमा गरेको अन्तक्रिया कार्यक्रममा बाबुरामले मुलुकमा जातिय अधिकार स्थापित गर्नुपर्ने रहेपनि जातीय द्धन्दमा भने फस्न नहुने बताए ।
आफुहरुले पहिचान सहितको १० प्रदेशको माग भएपनि सातै प्रदेशमा आफ्नो अधिकार खोज्नुपर्ने धारणा बाबुरामले राखेका छन् ।
संबिधानमा नमिलेका बिषयलाई संबिधानमा मिलाउने प्रयास नयाँ शक्तिले गर्ने भन्दै बाबुरामले राष्ट्रिय मुक्ति आन्दोलनका लागी सबै एक भएर अघि बढ्नुपर्नेमा जोड दिए ।
नया शक्ति नेपालले आगामी ३० गते पार्टी घोषणा गर्ने तयारी गरेको छ । यसैको तयारी स्वरुप नया शक्ति नेपाल आवद्ध संगठनले बिभिन्न कार्यक्रम गर्दै आएका छन् ।nepaliheadlines
