चिनियाँ कम्पनीले यसरी फसायो नेपाललाई

मंगलबार, ३२ जेठ
काठमाडौं । मेलम्ची खानेपानी आयोजना निर्माणबाट करिब ४ वर्षअघि हटाइएको चिनियाँ ठेकेदार कम्पनीका कारण नेपालका दुई बैंकको डेढ अर्ब रुपैयाँभन्दा बढी डुब्ने निश्चित भएको छ ।
चिनियाँ कम्पनी सीआरसीसी–सीएमआई चाइना जेभीले हिमालयन बैंक र बैंक अफ काठमाण्डूमा धरौटी नारी गरेको थियो । मेलम्चीले ठेक्का तोडेर धरौटी जफत गरेपछि ठेकेदारले बैंकलाई उक्त रकम शोधभर्ना दिन नमान्दा समस्या देखिएको हो ।
ठेकेदारको प्रस्ताव र चाइना कन्ट्रक्सन बैंक को आश्वासनमा धरौटी राख्न नेपाली बैंक तयार भएका थिए । चिनियाँ अदालतले नेपाली बैंकलाई रकम दिन नपर्ने अन्तरिम आदेश जारी गरेपछि सर्वसाधारणको १ अर्ब ५७ करोड रुपैयाँभन्दा बढी निक्षेपबारे अन्योल भएको छ ।
नियमअनुसार काम नगरेपछि २०६९ असोज ९ मा सरकारले चिनियाँ कम्पनीसँग सम्झौता तोडेको थियो ।
रकम फिर्ता लिन चिनियाँ अदालतमा मुद्दा दायर गरेपनि यसमा सरकारले सहयोग नगरेको हिमालयन बैंकका प्रमुख कार्यकारी अधिकृत अशोक राणाले गुनासो गरे । आजको नागरिक दैनिकमा समाचार छ ।
nepalsandesh