चीनले रोक्न खोजेपछि भारतले माग्यो रुसको सहयोग
३१ जेठ, एजेन्सी ।
आणविक हतियार आपुर्तिकर्ता देशको समूह (NSG) मा प्रवेश पाउने भारतीय प्रयासमा चीन तगारो बन्ने देखिएपछि भारतले रुससँग सहयोग मागेको छ ।
यो समूहमा प्रवेशका लागि सघाउन अमेरिकालाई मनाइसकेका भारतीय प्रधानमन्त्री नरेन्द्र मोदीले रुसी राष्ट्रपति भ्लादिमिर पुटिनलाई टेलिफोनबाट सहयोग मागेको भारतीय सञ्चार माध्यमले जनाएका छन् ।
४८ देशको सदस्यता रहेको NSG मा सहभागी हुन सघाउन भारतले रुससँग सहयोग मागेको हो । चीनले तगारो हाल्न खोजेको मुद्धामा रुसो सहयोग लिने भारतीय प्रयास सफल हुने नहुने अझै प्रष्ट छैन ।
रुसी राष्ट्रपतीय कार्यालयले भारतीय प्रधानमन्त्रीले फोन गरेको जानकारी दिँदै २ नेताबीच २ पक्षीय साझेदारी वृद्धी गर्ने विषयमा कुरा भएको जनाएको छ । छिट्टै भारत र रुसका नेताबीच पुनः वार्ता हुन सक्ने समेत जनाइएको छ ।
चीनले परमाणु हतियार आपुर्तिकर्ता समूह (NSG) को सदस्यता लिनु अघी भारतले परमाणु अप्रसार सन्धि (NPT) मा हस्ताक्षर गर्नु पर्ने राखेको छ।
यो संगठनमा फ्रान्सलाई कुनै हस्ताक्षर नगरी समावेश गराइको जिकिर भारतले गरिरहेको छ । भारतीय विदेश मन्त्रालयका प्रवक्ता विकाश स्वरुपले चीनले राखेको शर्त स्वीकार्य नभएको बताए ।
उता अमेरिकाले भने भारतलाई मिसाइल टेक्नोलोजी कन्ट्रोल रिजिम (MTCR) को सदस्य बनाउन अमेरिका सहमत भएको छ । अमेरिकाले परमाणु आपूर्तिकर्ता समूह (NSG) मा भारतको दावेदारीलाई समर्थन गरेको छ ।
चीन पनि यो समूहमा सदस्यता छैन । अमेरिकाको साथ लिएर चीनलाई साइड लगाउन खोजेपछि आक्रोशित भएको बेइजिङ अमेरिका र भारतले चीनलाई एक्ल्याउन खोजेको भन्दै चीन आक्रोशित भएको छ । चीनको सरकारी अखबारले गत विहीबारको अंकमा भारतप्रति कडा आक्रोश पोख्दै चीनलाई रोकेर भारतको भलो नहुने चेतावनी दिएको थियो ।
nepaliheadlines.
