काठमाडाै बाट छुटेको बसमा तोडफोड
सल्यान, ३१ जेठ– रुकुम यातायात प्रालिको डिलक्स बसमा तोडफोड हुँदा दुई यात्रुसहित तीन घाइते भएका छन् ।
काठमाण्डुबाट रुकुमतर्फ जाँदै गरेको ना ५ ख ७२४१ नंको डिलक्स बसमा सल्यान रुकुम यातायात समितिका कर्मचारीले आज बिहान श्रीनगरमा तोडफोड गरेका हुन् ।
बसमा यात्रु राख्ने विषयलाई लिएर समितिका कर्मचारीको समूहले यात्रुसहितको बसमा ढुङ्गामुढाले आक्रमण गर्दा जिल्ला ट्राफिक प्रहरी कार्यालय सल्यानका प्रहरी हवलदार वीरेन्द्रबहादुर कडायत सहित तीन जना घाइते भएको जिल्ला प्रहरी कार्यालय सल्यानले जनाएको छ ।
बसमा भएको तोडफोडमा संलग्न छ जनलाई प्रहरीले नियन्त्रणमा लिएको प्रहरी नायब उपरीक्षक श्यामबहादुर खत्रीले बताए।
