गरिब सूचीमा धनीकै नाम परेपछि…
आफ्नो जग्गाको उब्जनीबाट मुस्किलले वर्षको ५ महिना खान पुग्ने भएपछि हुम्ला बरगाउँ ९ की नाङदर्मा लामाका पति पत्नी ७ वर्षअघि सिमकोट सरे। बरगाउँमा भएको जग्गाले खान लाउन नपुगेपछि उनीहरू पुर्खौली घर छोराबुहारीको जिम्मामा छोडेर हिँडेका हुन्।
लामाको जोडी सदरमुकाममा पेट पाल्नका लागि निरन्तर कुल्ली काम गरिरहेको छ। तर जिल्ला विकास समितिले गत मंगलबार सार्वजनिक गरेको गरिब घर परिवारको सूचीमा उनको नाम छैन।गाउँकै आफ्ना लगी (माथिल्ला जातका मान्छे) को जग्गामा घर बनाएर बसेका श्रीनगर ७ का जर्म दमाईको आफ्ना नाममा एक हल पाखो बारी पनि छैन।
त्यहाँ उब्जनी भएको अन्नले ७ जनाको जर्मको परिवारलाई १ महिनापनि पुग्दैन। नियमित ५ सय रूपैयाँ आम्दानी नभएका जर्जलाई पनि सरकारले सार्वजनिक गरेको गरिबको सूचीमा नपरेपछि साह्रै चित्त दुखेको छ। यी प्रतिनिधि उदाहरण मात्र हो। मानव विकास सूचांकमा पुछारमा रहेको हुम्लामा सरकारले गरिबकोभन्दा धनी र हुनेखानेकै नाम समावेश गरिएको खबर आजको अन्नपूर्णमा नवराज महतराले लेखेका छन्। वास्तविक गरिबको नाम त्यहाँ अटेको छैन।
news24nepaltv
