नयाँ शक्तिको निम्तोः प्रचण्ड–वैद्य नजाने ओली–देउवा जाने
३० जेठ, काठमाडौं ।
डा. बाबुराम भट्टराई नेतृत्वको नयाँ शक्ति स्थापना घोषणा सभामा नेकपा माओवादी केन्द्रका अध्यक्ष प्रचण्ड र नेकपा क्रान्तिकारी माओवादीका अध्यक्ष मोहन वैद्य सहभागी नहुने भएका छन् ।
भट्टराईले गत असोज ९ गते प्रचण्डसँग सम्बन्ध विच्छेद गरेर नयाँ शक्ति नेपाल गठन गरेका थिए । प्रचण्ड र भट्टराईको बीचमा अहिले पनि शितयुद्ध जारी नै छ । वैद्य र भट्टराईको सम्बन्ध पनि राम्रो छैन् ।
सभामा उपस्थिति हुनको लागि नयाँ शक्तिले लिखित पत्र पठाउनुको साथै भट्टराईले टेलिफोन गर्दा पनि प्रचण्ड र वैद्यले अस्वीकार गरेका हुन् । प्रचण्ड आज नै पार्टीले आयोजना गरेको कार्यक्रममा सहभागी हुने छन भने वैद्यले राष्ट्रिय भेलाको तयारीमा छन् ।
भट्टराईको पार्टी घोषणा सभामा प्रधानमन्त्री एवं एमालेका अध्यक्ष केपी ओली र नेपाली कांग्रेसका सभापति शेरबहादुर देउवा भने जाने भएका छन् । प्रधानमन्त्रीका सचिवालयका अनुसार दिउसो दिन बजे प्रधानमन्त्री ओली रंगशाला जाने र संक्षप्ति शुभकामना सुन्देश दिएर फर्कने कार्यक्रम रहेको छ ।
आशा छ प्रचण्डजी आउनुहुन्छः भट्टराई
त्यसैगरी देउवा दिउसो २ बजे रंगशाला पुग्ने कार्यक्रम रहेको छ । नयाँ शक्तिले देश र विदेशका गरी पाँच सय अतिथिलाई कार्यक्रमको अतिथिको निम्तो दिएको छ । त्यसैगरी भट्टराईको पार्टी स्थापना सभामा नेत्रविक्रम चन्द नेतृत्वको नेकपा माओवादी पनि सहभागी नहुने भएको छ ।nepaliheadlines
