झापाका १५ स्थानमा बाढीसम्बन्धी कृत्रिम घटना अभ्यास

झापा, २३ जेठ । वातावरण दिवसको अवसर पारेर झापाका १५ स्थानमा बाढी सम्बन्धि कृत्रिम घटना अभ्यास गरिएको छ ।
नेपाल रेडक्रस सोसाइटी झापा र प्याक्टीकल एक्सनले संयुक्त रुपमा झापाका कन्काई नदीका जोखिम क्षेत्रका १५ स्थानमा बाढी सम्बन्धि कृत्रिम घटना अभ्यास गरिएको हो । बाढीबाट कसरी बच्ने भन्ने विषयमा झापाका कन्काइ नदी किनाराका पचास हजार धेरै स्थानीय बासीहरुलाइ यस्तो अभ्यासमा सहभागी गराएको हो ।
झापाका प्रहरी प्रमुख एसपी ठाकुर प्रसाद ज्ञवालीले यस्तो अभ्यास युरोपियन देशमा बार्र्षिक रुपमा हुने गरेको देखेको तर, अब झापामा समेत यस्तो अभ्यासले जोखिम न्युनीकरणमा ठूलो भुमिका खेल्ने बताउनुभयो । अभ्यासलाई नजिकबाट हेरी रहेका ज्ञवालीले अब झापाको कन्काइ नदीमा बाढी आउदा समेत पहिलोको जस्तो धनजनको क्षति नहुनेमा आफुलाइ विस्वास रहेको बताउनुभयो ।
झापाको कन्काई नदीमा जनताको तटबन्धनबाट धेरै काम भैइरहेको माओवादी केन्द्रका केन्द्रिय सदस्य तथा जिल्ला विकास समिति झापाका संयन्त्र सदस्य सिपी कडरियाले अब बायो इन्जिनियरिङबाट थोरै लगानीमा धेरै जोखिम कम गर्न सकिने भएकोले अब रेडक्रस झापाको अभियानलाई सबैले साथ दिनुपर्नेमा जोड दिनु भएको छ । कृत्रिम घटना अभ्यासलाई निकै ध्यान दिएर हेरिरहेका कडरियाले जोखिम कम गर्न झापामा अब बेम्वो आइटममा अघि बढनुपर्ने बताउनु भएको हो ।
dainiknepal