राजेन्द्र महतोलाई लाग्यो ठूलै झड्का
काठमाण्डु, २३ जेठ– सद्भावना पार्टीकी नेतृ एवंम केन्द्रीय सदस्य रंगीलादेवी साहले पार्टीबाट राजीनामा दिएकी छन् ।
राजेन्द्र महतोले आन्दोलन क्रममा मारिएका मधेशी जनताको परिवारलाई प्रयोग गरेर राजनीति गरिरहेको आरोप लगाउँदै पार्टी छाडेकी हुन् ।
केही दिनअघि निलम्बित पार्टिका वरिष्ठ उपाध्यक्ष संजय साहकी धर्मपत्नीसमेच रहेकी रंगीलाले महतोले आन्दोलनमा मारिएका मधेसी जनताको परिवारलाई न्याय दिलाउन छाडेर त्यसमाथि राजनीति गरेको आरोपसमेत लगाइन् ।
पार्टी छाडेर जानकारी दिन जारी गरिएको विज्ञप्तिमा भनिएको छ, ‘राजेन्द्र महतोले आन्दोलनको क्रममा विभिन्न मुद्दामा फसाइएका नेता, कार्यकर्तालाई न्याय दिलाउनुको साटो शवमाथि राजनीति गरी गलत प्रवृतिलाई बढाबा दिएका छन् ।’
kathmandutoday
