भारतलाई विशेष पार्टनर बनाउने विधेयक अमेरिकी संसदमा अस्वीकृत
१ असार, एजेन्सी ।
भारतलाई अमेरिकाले आफ्नो विशेष ब्यवसायिक ग्लोबल पार्टनर बनाउने विषयमा अमेरिकी संसदमा प्रस्तुत विधेयक अस्वीकृत भएको छ ।
भारतीय प्रधानमन्त्री नरेन्द्र मोदीले अमेरिकी संसदको संयुक्त बैठकलाई संबोधन गरेको एक दिनपछि उक्त विधेयक प्रस्तुत गरिएको थियो ।
अमेरिकाका चर्चित सिनेटर जोन मक्केनले प्रस्तुत गरेको विधेयक अस्वीकृत भएको हो । यो विधेयकमा भारतलाई अमेरिकाले आफ्नो ग्लोबल स्ट्रेटजिक र डिफेन्स पार्टनरको दर्जा दिएको थियो ।
भारतीय प्रधानमन्त्री नरेन्द्र मोदी अमेरिकी क्षेत्रको भ्रमणमा गएका बेला अमेरिकाको संसदमा विशेष सम्बोधन गरेका थिए । मोदीले नेपालमा भूकम्प आउँदा सबैभन्दा पहिले भारत पुगेको र मानवीय सहयोग थालेको स्मरण गराउँदा अमेरिकी संसद तालिले गुञ्जायमान बनेको थियो ।
nepaliheadlines
