छाला, कपाल चम्काउने देखि शरीरको अनावश्यक तौल घटाउन घिउकुमारीको प्रयोग गर्ने तरिका
हाम्रो घरबारीमा पाइने घिउकुमारी (एलो भेरा)एउटा काँढे बिरुवा मात्र नभएर यसको प्रयोग सौन्दर्य प्रसाधन देखि स्वास्थयबर्धक जुुस तथा डायट सम्मको काम गर्छ भनेको सुन्दा तपाईंलाई आश्चर्य लाग्न सक्छ । तर यो सत्य हो । घिउकुमारीको महत्व र आवश्यकता बुझेरै धनी देशका बाठा ब्यापारीहरु काँचो घिउ कुमारीको डाँठबाट सौन्दर्य प्रसाधन उत्पादन गरेर अर्बौ डलर कमाइ रहेका छन् । आज सोही घिउ कुमारीबाट हुने फाइदका बारेमा डिसीनेपाल तपाईहरुलाई जानकारी गराउँदै छ ।
१. सुख्खा छालाका लागि घिउकुमारी
घिउकुमारीको पात, एक चिम्टी बेसारको धुलो, एक चम्चा मह, एक चम्चा दुध र तीन९चार थोपा रोज वाटरलाई एउटा कचौरमा मिसाउनुहोस् । अव यो मीश्रणलाई पेस्ट बनाउनुहोस् र सुख्खा छालामाथि यो लेप दल्नुहोस् । करिब बीस मीनेट सम्म सुक्न दिनुहोस् अनि पखाल्नुहोस् । अव तपाईले आफ्नो छाला नरम, आकर्षक पाउनुहुनेछ ।
२. घिउकुमारी स्क्रब
आधा कप घिउकुमारीको रस (जेल) मा एक कप चिनी र कागतीको रस दुई चम्चा मिसाउनुहोस् । चिनीले मरेको छालालाई झार्ने काम गर्छ भने घिउकुमारीले छाला सफागर्ने काम गर्छ । र कागतीले छालामा भएको दाग तथा खटिरालाई मेटाउने काम गर्छ । मीश्रणलाई घोल्नुहोस् र आफ्नो मुहार तथा छालामा प्रयोग गर्नुहोस् । आधा घण्टा पछि लेप प्रयोग गरिएको छाला तथा मुहार चिसो पानीले पखाल्नुहोस् । अव तपाईको छालामा नयाँ चमक पाउनुहुनेछ ।
३. डण्डिफोरका कारण अनुहारमा देखिने दागबाट छुटकारा पाउन घिउकुमारी
घिउकुमारीको रस (जेल), गहुँको पीठो, मह आवश्यकता अनुसार एउटा कचौरामा मिसाउनुहोस् । घिउकुमारीमा जिवाणुसँग लड्न सक्ने गुण लुकेको हुन्छ भने महमा छालालाई मुलायम पार्ने गुण हुन्छ । यो मीश्रणको प्रयोग गर्नाले छाला नरम र सफा हुन्छ ।
४.संबेदनशील छालाका लागि घिउकुमारी
घिउकुमारीको रस तथा जेल, काँक्रोको रस, दहीको पेस्ट तयार पार्नुहोस् । अव पेस्टलाई आफ्नो छालामा दल्नुहोस् र करिव २० मीनेट सम्म सुक्न दिनुहोस् । अव चिसो पानीले लेप दलेको भागलाई पखाल्नुहोस् । अव तपाईको छालामा तपाईले नयाँपना पाउनुहुनेछ ।
५. कपाल झर्ने रोगमा घिउकुमारी
घिउकुमारीमा प्रोटियोलाइटीक इन्जाइम नाम गरेको गुण पाइन्छ जसले कपालको जरालाई मजबुत बनाउने काम गर्छ । यसको प्रयोगले तपाईको कपाल नरम तथा चम्किलो बनाउँछ । यसले कपाल लामो पार्न मद्धत पुर्याउनुका साथै कपालको जरा चिलाउने समस्यालाई चट्टै पार्छ । कपाललाई आकर्षक र बलियो बनाउनका लागि चाहिने सम्पूर्ण गुण घिउकुमारीमा पाइन्छ ।
प्रयोग गर्ने बिधि
हप्तामा एक पटक वा पन्द्र दिनमा एक पटकका हिसाबले यसको प्रयोग गर्नाले कपालमा चमक बढ्नुका साथै कपाल झर्ने समस्या हराएर जान्छ । कपालमा यसको लेप लाउनुहोस् र सक्दो लामो समय सम्म नपखाल्नुहास् । यसो गर्नाले तपाईको कपाल बलियो, नरम तथा आकर्षक भएको पाउनुहुनेछ ।
६. घिउकुमारीको प्रयोग शरीरको तौल घटाउन
छालामा भएका खराबी समाप्त गर्न घिउकुमारीको प्रयोग गरे जस्तै यसको प्रयोग स्वास्थ्यलाई तन्द्रुस्त बनाइराख्न पनि अति लाभदायक साबित भएको छ । घिउकुमारीको सेवनले शरीरको अनावश्यक तौल आपसेआप घटेर जान्छ र शरीरमा फुर्ती आउँछ ।
घिउकुमारीको प्रयोग स्वास्थ्य बर्धक उत्पादहरुमा गर्ने गरिन्छ । यसको प्रयोग डायट फुड तथा जुसको रुपमा पनि गरिन्छ । यसमा विषादीलाई नाशगर्न सक्ने शक्ति अत्यधिक मात्रामा लुकेको हुन्छ । यसमा प्रोटिनको मात्रा लुकेको हुनाले यसको सेवन गर्नाले मशलहरु बलियो हुन्छ ।
घिउकुमारीको जुस पिउने तरिका
हुनत घिउकुमारीको जुस तीतो हुनसक्कछ तर यसलाई तपाईंले फलफुलको रसमा मिलाएर पिउन सक्नुहुन्छ । यसमा मह मिसाएर पनि सेवन गर्नसक्नुहुन्छ । कागतीको रस मिलाएर पिए पनि हुन्छ ।
