कारको ठक्करबाट दुई प्रहरीको ज्यान गयो
२०७३ जेष्ठ २८ शुक्रबार
बाराः बाराको गढिमाईमा कारको ठक्करबाट दुई प्रहरी जवानको ज्यान गएको छ ।
वीरगञ्जबाट पूर्वतर्फ जाँदै गरेको ना२प ९६५७ नम्बरको मोटरसाइकललाई पूर्वबाट आइरहेको को१च ८७६६ नम्बरको कारले पूर्व–पश्चिम राजमार्ग अन्तरगत गढिमाई नगरपालिकास्थित पिलुवा चोकमा ठक्कर दिँदा दुई प्रहरीको मृत्यु भएको हो ।
ज्यान गुमाउनेहरुमा सिन्धुलीतर्फ हिँडेका महोत्तरीको बनौली–८ निवासी २८ वर्षीय प्रज पवनकिशोर मिश्र र दोलखाको बोचा–८ निवासी ३३ वर्षीय प्रज कुमार तामाङ रहेका छन् ।
कारले ठक्कर दिएपछि उनीहरुको दुबैको घटनास्थलमै ज्यान गएको इलाका प्रहरी कार्यालय सिमराका प्रहरी निरीक्षक पुरुषोत्तम खड्काले जानकारी दिए ।
दुर्घटनामा कार चालक सप्तरी निवासी डाक्टर विवेक सिंह पनि घाइते भएका छन् । उनलाई स्थानीय अस्पतालमा भर्ना गरेर उपचार भइरहेको प्रनि खड्काले बताए ।
annapurnapost
