बाबुरामको पार्टी घोषणा सभामा प्रचण्ड नजाने
१०३ पटकआइतबार, ३० जेठ
काठमाडौँ। नयाँ शक्ति नेपालको पार्टी घोषणा कार्यक्रममा नेकपा माओवादी केन्द्रका अध्यक्ष प्रचण्ड नजाने भएका छन् ।
प्रचण्ड कार्यक्रममा नगए पनि माओवादी केन्द्रका अन्य नेता भने सहभागी हुने प्रचण्डको निजि सचिवालयले जनाएको छ
प्रचण्ड पार्टीको आन्तरिक प्रशिक्षणका लागि बर्दियामा रहेकाले आज कार्यक्रममा उपस्थिति नजनाउने जनाईएको छ ।
आइतबार बर्दियाको सूर्यपटुवामा निर्माण भएको सहिद देवप्रसाद चौधरीको शालिक अनावरण गरेर प्रचण्ड दिउँसो ३ बजे नेपालगञ्जमा आयोजित अगुवा कार्यकर्ता भेला प्रशिक्षणमा सहभागी हुनेछन् ।
प्रचण्ड अध्यक्ष भएको तत्कालिन एकीकृत माओवादीबाट साधारण सदस्य समेत नरहने गरी गत वर्ष असोज ९ गते बाबुरामले पार्टी परित्याग गरेका थिए ।
nepalsandesh
