बर्दियामा प्रचण्डले फेरि भने ‘म अब विश्राम लिने छैन’

बर्दिया, ३० जेठ । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले सहिद र बेपत्ता परिवारको मुहार हसिलो नभई आफूले विश्राम नलिने बताउनु भएको छ ।
बर्दियाको सूर्यपटुवास्थित डल्ला भन्ने स्थानमा आज बेदप्रसाद योगीको शालिक अनावरण गर्दै यस्तो बताउनु भएको हो ।
उहाँले भन्नुभयो, ‘जबसम्म राष्ट्रको एकता बलियो हुनेछैन, सहिद बेपत्ता परिवारको मुहार हसिलो हुनेछैन तबसम्म हामी विश्राम लिने छैनौं ।’
अध्यक्षले माओवादीफेरि एक पटक एकतावद्ध भएकोले अब नेपाल नयाँ बन्ने बताउनु भयो ।
उहाँले भन्नुभयो, ‘संघीयता, गणतन्त्र, धर्मनिरपेक्षता, समावेशी, समानुपातिक जस्ता कुराहरु यसकै विरोधीहरुलाई समेत मान्न बाध्य पायौं । यी एजेण्डा नेपाली कांग्रेस, एमालेले मानिदिए, त्यसका लागि धन्यवाद । एजेण्डा हाम्रा हुन् । यसको कार्यान्वयन हाम्रै नेतृत्वमा मात्र सम्भव छ । आफूले लगाएको बाली मागेर खाने जस्तो स्थिति हामी माओवादीको बन्यो । अब हामीले लगाएको बाली आफैं खाने हो ।’
dainiknepal