अपाङ्ग महिलामाथि सशस्त्रका जवानद्वारा सामूहिक बलात्कार

एक अपांग महिलामाथि सशस्त्र प्रहरीका जवानहरुले सामूहिक बलात्कार गरेको आरोप लागेको छ ।
कपिलबस्तुको शिवराज नगरपालिका वडा नम्बर १० चन्द्रौटा बजारमा सशस्त्रका जवानहरुले ती अपांग महिलामाथि सामूहिक बलात्कार गरेको आरोप लगाएका छन् । घटना आइतबार बेलुका भएको हो ।

घटनापछि आज स्थानीयले दोषीलाई कारबाहीको माग गर्दै पूर्व पश्चिम राजमार्ग अवरुद्ध पारेका छन् । इलाका प्रहरी कार्यालय चन्द्रौटाका इन्सपेक्टर राजकुमार सिलवालले भैसी चराउने गएकी ती अपांग महिलामाथि बलात्कार भएको आफूहरुले सूचना पाएको र त्यस आधारमा अनुसन्धान भईरहेको बताए ।
उनले घटनामा सशस्त्रको संलग्नता रहेको नरहेको बारे अनुसन्धान भइरहेको समेत बताए । यद्यपि आफूहरुलाई पनि सशस्त्रकै जवान घटनामा संलग्न रहेको जानकारी आएको उनको भनाई छ । ती महिलाको अहिले स्थानीय सञ्जिवनी सामुदायिक अस्पताल उपचार भइरहेको छ ।news24nepaltv