कक्षा ११ मा भर्ना पाउन सबै बिषयमा डी प्लस ल्याउनै पर्ने

उच्च माध्यमिक शिक्षा परिषद्ले एसएलसीको परीक्षामा सबै बिषयमा डी प्लस ल्याएका विद्यार्थीलाई मात्रै भर्ना लिने तयारी गरेको छ । विज्ञान तर्फ पढ्न चाहनेले एसएलसीमा अंग्रेजी, विज्ञान, गणितमा सी प्लस ल्याउनु पर्ने प्रावधान राख्ने परिषद् स्रोतले जनाएको छ । सी प्लस भन्नाले ५० देखि ६० प्रतिशत हुन्छ ।
मकर श्रेष्ठले कान्तिपुरमा लेख्छन्मा-नविकी, शिक्षा, व्यवस्थापन संकाय अध्ययन गर्न कम्तीमा १.६ ग्रेट प्वाइन्ट र सबै बिषयमा डी प्वाइन्ट ल्याउनै पर्ने व्यवस्था गर्न लागेको परिषद्का उपाध्यक्ष चैतन्य शर्माले बताए । ‘ विज्ञान र प्राविधिक धार बाहेकका साधारण तर्फका बिषय अध्ययन गर्न सैद्धान्तिक र प्रयोगात्मकमा कम्तीमा डी प्लस ल्याउनै पर्ने व्यवस्था गर्न लागेका छौं,’ उनले भने । परिषद्ले सोमबार निर्णय गरेर कुन ग्रेड ल्याएकालाई भर्ना लिने भन्ने आफनो योजना सार्वजनिक गर्दैछ । १.६ ग्रेट प्वाइन्ट ल्याउन सबै बिषयमा न्यूतम ३० देखि ४० प्रतिशत ल्याउनु पर्ने हुन्छ ।
slcप्राविधिक धारबाट एसएलसी परीक्षा दिएका विद्यार्थीले कक्षा ११ मा भर्ना पाउन १० वटै बिषयमा सी प्लस ल्याउनु पर्ने व्यवस्था गर्दै छ । त्यस्तै कक्षा ११ मा भर्ना लिन गरिने प्रवेव परीक्षामा ७० प्रतिशत विद्यार्थीले प्राप्त गरेको ग्रेड प्वाइन्ट र ३० प्रतिशत इन्ट्रान्स परीक्षामा प्राप्त नम्बरलाई आधार मान्ने भएको छ । परिषद्ले लिने छात्रबृति परीक्षामा पनि यही नियम लागू गर्दैछ ।
1
सरकारले यसवर्षदेखि एसएलसीको नतिजा ग्रेडिङ प्रणालीबाट गर्दैछ । ए प्लस देखि इ सम्म विभाजन गरेर नतिजा सार्वजनिक हुनेछ । दुई वटा बिषयससम्म डी ग्रेड ल्याएमा पुन: क्षमता बढाउने मौका परीक्षा दिन पाउने भएकोले परिषद्ले सबै बिषयमा डी प्लस ल्याउनु पर्ने प्रावधान राख्न लागेको शर्माले बताए ।परीक्षा नियन्त्रण कार्यालयले असार पहिलो साता भित्र नतिजा सार्वजनिक गर्ने जनाएको छ ।