नयाँ शक्तिको समय तालिका प्रभावितः १२ मिनेटमा पुग्ने रणनीति विफल

३० जेठ, काठमाडौं ।

नयाँ शक्ति नेपालले पार्टी स्थापना घोषणा सभा १२ बजेबाट सुरु हुने बताए पनि राजधानीका विभिन्न स्थानमा भएका जाम र कार्यकर्ताको उपस्थिति हुन ढिला हुने भएपनि समयमा नै सुरु हुन सकेको छैन ।
नयाँ शक्तिको कार्यक्रम शुरु हुने भनिएको समय गुज्रिसकेको छ । दशरथ रंगशालामा तामझाम सहित कार्यक्रमको अन्तिम तयारी भैरहेको छ ।

नयाँ शक्ति नेपालले कुपन्डोल बबरमहल, कालिमाटी र रत्नपार्कमा गरी चार स्थानबाट कम्तिमा पनि १५ मिनेटमा कार्यक्रमस्थल रंगशाला पुग्ने बताएपनि कालीमाटी बाहेकका तीन स्थानबाट जुलुस ढिलो गरि रंगशाला पुग्दैछ ।
5नयाँ शक्तिको निम्तोः प्रचण्ड–वैद्य नजाने ओली–देउवा जाने

गाउँगाउँबाट राजधानी आइपुग्ने कार्यकर्ता आउनेक्रम जारी रहेकाले कार्यक्रमको कार्यतालिका केही फेरबदल हुने देखिएको छ । केन्द्रीय परिषद् सदस्य सोनाम सिंह स्याङताङले कालीमाटीबाट जुलुस समयमा निस्किएको भएपनि अन्य स्थानमा केही ढिला भएको जानकारी दिए ।
जुलुस निकाल्दा ट्राफिक जाम नहुने बताएपनि जुलुस निकाल्ने क्षेत्रमा ट्राफिक व्यवस्था प्रभावित भएको छ । ट्राफिक व्यवस्थापनको लागि नयाँ शक्तिले आठ सय स्वयंसेवक परिचालन गरेको बताएको थियो ।
नयाँ शक्तिले दावी गरे जस्तो १२ मिनेटमा १ लाख कार्यकर्ता रंगशाला पुर्‍याइसक्ने रणनीति पनि असफल देखिएको छ । कुपन्डोल बिजुलीबजार पुल, कालिमाटी रत्नपार्कमा भेला भएर ८देखि १० मिनेटमा रंगशाला पुग्ने दावी नयाँ शक्तिका नेता गंगा श्रेष्ठले गरेका थिए ।nepaliheadlines