बाबुरामले नेपाललाई एसियामै समृद्ध देश बनाउँछन्ः भारतीय नेता त्रिपाठी
काठमाडौं, ३० जेठ । भारतीय राष्ट्रिय कांग्रेसका नेता एवं राज्यसभा सदस्य डिबी त्रिपाठीले नयाँ शक्ति नेपाली जनताको असली भक्ति भएको बताएका छन् ।
दशरथ रंगशालाबाट आज घोषणा भएको नयाँ शक्ति नेपाल पार्टीलाई शुभकामना दिँदै दिल्लीबाट आएका नेता त्रिपाठीले नयाँ शक्तिको समृद्धिको नाराले नेपाल दक्षिण एसिया मात्रै होइन् एसियाकै समृद्ध देश बन्न सक्ने धारणा राखे ।
उनले भने– ‘बाबुराममा त्यो क्षमता छ । तर राजनीतिक एकता र स्थिरता आवश्यक छ । बाबुरामलाई मैलै जति कसैले चिनेको छैन् । हामी नेपालको विश्वविद्यालयदेखि जीवनको विश्वविद्यालयसम्म सँगै छौं । मलाई विश्वास छ उनले नेपाललाई समृद्ध बनाउछन् ।’
समृद्ध नेपालको कुरा आउँदा आफूलाई गर्व लाग्ने भन्दै उनले जनताको जीवनमा जबसम्बन्ध समृद्धि हुँदैन् तबसम्म समाज र देश समृद्ध हुँदैन् भने ।
dainiknepal
