टर्कीले पहिलो पटक पुटिनलाई लेख्यो पत्र
१असार, अङ्कारा (टर्की) ।
टर्कीका राष्ट्रपति रेसेप तैयप एर्डोगानले आफ्ना रसियाली समकक्षी भ्लादिभिर पुटिनलाई एक पत्र लेख्दै रसियाको राष्ट्रिय दिवसको अवसरमा शुभकामना व्यक्त गरेको टर्कीका सरकारी अधिकारीले मङ्गलबार बताएका छन् ।
विश्वको ८ महंगो सम्बन्ध बिच्छेद
रसियासँगको तनाव रहेकै बेला टर्कीका राष्ट्रपति एर्डोगान तथा प्रधानमन्त्री विनाली इल्दीरिमले आफ्ना समकक्षीलाई पठाएका शुभकामना दुई देशबीचको सम्बन्ध सुधार प्रयासको थालनी हुने स्थानीय सञ्चारमाध्यमले बताएका छन् ।
यसबारे प्रतिक्रिया जनाउदै टर्कीका सरकारी अधिकारीले बताए, “हामीले राष्ट्रपति एर्डोगान र प्रधानमन्त्री विनाली यल्दीरिमले रसियाली समकक्षीलाई शुभकामना पत्र पठाएको भनी उल्लेख गर्दै सञ्चारमाध्यममा आएका समाचारको पुष्टि गर्न चाहन्छौं ।”
टर्कीले रसियाली विमानलाई टर्की र सिरियाको सीमाक्षेत्रमा घुमिरहेको पाएपछि विमानलाई बारम्बार सचेत गराइँदासमेत अटेर गरेपछि सन् २०१५ को नोभेम्बर ५ मा खसालेको बताएको थियो ।
देशको सेवा गर्न राजनीतिमा होमिएँ : करिश्मा मानन्धर
तर रसियाले आफ्नो विमान टर्कीको सिमानामा नपुगेको र टर्कीले कसैको उक्साहटमा विमानमाथि आक्रमण गरेको पटकपटक दाबी गर्दै आएको छ । टर्कीले रसियाली विमान खसालेसँगै दुई देशबीचको सम्बन्धमा सङ्कट देखा परेको थियो ।
विमानलाई टर्कीले आक्रमण गरी खसालेपछि आएको दुई देशबीचको सङ्कट कम गर्ने उद्देश्यका साथ टर्कीका राष्ट्रपति एर्डोगानले फ्रान्सको पेरिसमा भएको जलवायु सम्मेलनको सिलसिलामा प्रत्यक्ष भेटगरी कुराकानी गर्न चाहेको बताए पनि रसियाली राष्ट्रपतिले यसलाई त्यतिवेला अस्वीकार गरेको थियो ।
गएको शुक्रबार अङ्कारास्थित रसियाली राजदूतावासमा राष्ट्रिय दिवसका अवसरमा आयोजित मन्त्रालयस्तरीय स्वागत कार्यक्रममा भने टर्कीले सहभागिता जनाएको थिएन ।
रसियाले जुन १२ लाई राष्ट्रिय दिवसका रुपमा मनाउने गर्छ । रासस÷एएफपी nepaliheadlines
