मृगौला रोगका मुख्य पाँच कारणहरु
जेठ ३२ । विभिन्न कारणले मानिसको मृगौलामा रोग लाग्न सक्दछ । मुख्यगरि मृगौला रोग लाग्नका कारणहरु यस प्रकार रहेका छन् –
१. मधुमेह
डायबिटिज क्रोनिक मृगौला रोग हुने सबैभन्दा मुख्य कारण हो । डायबिटिजले मृगौलाको कार्यलाई बिस्तारै कम गरिदिन्छ । सुगरको उच्च मात्राले मृगौलाको रक्तवाहिनी नलीलाई असर पु¥याउँछ र क्रोनिक मृगौला रोगको कारण बन्छ ।
२. हाइपरटेन्सन
क्रोनिक मृगौलाको समस्या हुने एउटा कारण उच्च रक्तचाप पनि हो, जसलाई हाइपरटेन्सन पनि भनिन्छ । उच्च रक्तचापले मृगौलाको कार्यलाई असर पार्छ । मृगौलाको समस्या अन्य कारणले देखिएपनि हाइपरटेन्सनले यसलाई अझ बढी खराब पार्छ ।
३. मृगौलाको साँघुरिएको धमनी
मृगौलाको धमनीले यसको कार्यमा महत्वपूर्ण भूमिका निर्वाह गर्छ । साथै यसले मृगौलामा रगत प्रवाहमा पनि सहयोग पुर्याउँछ, यदि यो धमनी अवरुद्ध भएमा रगत प्रवाह हुन सक्दैन र समस्या बढ्छ ।
४. जन्मजात समस्या
जन्मजात समस्याले मुत्रमार्गमा बाधा उत्पन्न गराउँछ, यसबाट कैयौं समस्या उत्पन्न हुनसक्छन्, जसले मृगौलालाई असर पार्छ । यद्यपि गर्भमै रहेका बेला यो समस्या फेला पारेमा शल्यचिकित्साद्वारा ठीक गर्न सकिन्छ ।
५. लागुऔषध तथा विषाक्त पदार्थ
लागुऔषध तथा लामोसमयसम्म औषधि सेवनले मृगौलालाई असर पुग्न सक्छ । आवश्यकभन्दा बढी स्टेराइडल एन्टी इन्फ्लेमेटरी ड्रग्सको प्रयोग र स्ट्रीट ड्रग्सको प्रयोगले किड्नीलाई बढी असर पुर्याउँछ । श्रोत-स्वास्थ्यखबर
