दश स्थानमा पेट्रोलियम पदार्थको उत्खनन कार्य जारी,दश वर्षभित्र सबै युवा जनशक्तिलाई रोजगारी
भक्तपुर, उद्योगमन्त्री सोमप्रसाद पाण्डेयले अबको कार्यभार आर्थिक समृद्धि भएकाले सबै राजनीतिक दलले एक भएर अगाडि बढे आर्थिक रुपान्तरण सम्भव रहेको बताउनुभएको छ ।
रफत सञ्चार क्लबले आज आयोजना गरेको साक्षात्कार कार्यक्रममा उहाँले
देशको प्रत्येक प्रदेशमा औद्योगिक क्षेत्रको निर्माण गरी सबै युवालाई रोजगारी दिइने बताउनुभयो ।
उहाँले आगामी दश वर्षभित्र सबै युवा जनशक्तिलाई रोजगारी दिएर युवा जनशक्ति बिदेसिन रोक्दै यहाँका युवाले बनाएका सामान विदेश निर्यात गरिने बताउनुभयो । दैलेखबाट सुरु गरिएको पेट्रोलियम पदार्थको उत्खननसँगै नेपालको १० स्थानमा पेट्रोलियम पदार्थको उत्खनन जारी रहेको जानकारी उहाँले दिनुभयो । रासस
news24nepaltv
