गठबन्धनको अन्तिम कार्यक्रम बसन्तपुरमा, भोटाहिटी र सुन्धाराबाट जुलुस निकाल्ने

काठमाडौं, १५ जेठ । राजधानी केन्द्रित आन्दोलनको अन्तिम दिन आज मधेसी मोर्चासहितका दल आबद्ध संघीय गठबन्धनले काठमाडौंको बसन्तपुरमा भव्य विरोध सभा गर्दैछ ।
दिउँसो दुई बजे गठबन्धनले विरोध सभा गर्न लागेको संघीय समाजवादी फोरम नेपालका नेता आङ्काजी शेर्पाले जानकारी दिनुभयो । ‘राजधानी केन्द्रित आन्दोलन अन्तर्गत आज अन्तिम कार्यक्रम हुँदैछ’, शेर्पाले भन्नुभयो, ‘बसन्तपुर डबलीमा भव्य विरोध सभा गर्छौं ।’
विरोधसभा हुनु अगाडि संघीय गठबन्धनले भोटाहिटी र सुन्धाराबाट विरोध -याली निकाल्नेछ । विरोध -याली बसन्तपुर पुगेपछि संघीय गठबन्धनका शीर्ष नेताहरूले सम्बोधन गर्ने शेर्पाले जानकारी दिनुभयो ।
संघीय गठबन्धनले भोलि जेठ १६ गते वीरग ञ्ज र जेठ १७ गते पोखरामा विरोध सभा गर्दैछ ।
जेठ १८ गतेदेखि अर्को चरणका कार्यक्रम तय गरिने संघीय समाजवादी फोरम नेपालका नेता आङकाजी शेर्पाले बताउनुभयो ।
dainiknepal