उद्योगी केडिया अपहरणमा पर्दा तमलोपाले पनि निकाल्यो विज्ञप्ति

काठमाडौं, १४ जेठ । बाराको महागढीमाई नगरपालिका क्षेत्रवाट उद्योगपती सुरेश केडियाको अपहरणको घटनाप्रति तराई मधेस लोकतान्त्रिक पार्टीले गम्भीर ध्यानाकर्षण जनाएको छ ।
पार्टीका अध्यक्ष महन्थ ठाकुरले शुक्रबार अपराह्न एक विज्ञप्ति जारी नगरपालिका भित्रैवाट ससाँझै यस्तो दुःखद घटनाहुनु चिन्ताको विषय भनेका छन् । ‘देशको प्रतिष्ठित उद्योगपती नगरपालिका भित्र सुरक्षित रहन न सक्नु यो सरकारको कमजोर शान्ति सुरक्षा र निरिहताको प्रतिक हो,’ विज्ञप्तिमा भनिएको छ ।
तमलोपाले अपहरणमा उद्योगी केडियालाई अविलम्ब मुक्त गराउनका लागि प्रभावकारी कदम चाल्न सरकारसंग जोडदार माग गरेको छ ।
केडियाको विहीबार राति ड्राइभरलाई गोली हानेर कारबाटै अपहरण भएको थियो ।
dainiknepal