मनिषाको अन्त्येष्टिमा बिमलले आफूलाई सम्हाल्न सकेनन्
जेठ १४
काठमाडौं– बुधबार राति नवलपरासीस्थित आफ्नै घरमा घाँटीमा निलडामसहित मृत अवस्थामा फेला परेकी राष्ट्रिय फुटबलर विमल घर्ती मगरकी बहिनी मनिषा घर्तीको आज साँझ पशुपतिमा अन्त्येष्टि गरिएको छ ।
विहीबार उनको शवलाई काठमाडौं ल्याइएको थियो । शुक्रबार शिक्षण अस्पतालमा शव पोस्टमार्टमपछि मनिषाको आर्यघाटमा अन्त्येष्टि गरिएको हो ।
बेल्जियममा उपचार गराउन गएका बिमल बहिनीको मृत्युको खबर सुनेपछि आजै नेपाल आएका थिए । बहिनीको अन्तिम बिदाईमा बिमल आफूलाई सम्हान नसकेपछि आमासँगै रोएका थिए ।
मनिषालाई अन्तिम श्रद्धाञ्जली दिन फुटबलरहरु र आफन्तजनहरु पशुपति आर्यघाटमा पुगेका थिए ।
मनिषाको मृत्युको घटना रहस्यमय भएकाले प्रहरीले उनको प्रेमी आशिष चौधरीलाई नियन्त्रणमा लिई अनुसन्धान थालिरहेको छ ।
उनलाई विद्युतीय शवदाह गृहमा दाहसंस्कार गरिएको थियो ।
ratopati
