सशस्त्र प्रहरी महानिरीक्षक राई अमेरिका प्रस्थान

काठमाडौं, १७ जेठ । संयुक्त राष्ट्रसंघको मुख्यालय न्युयोर्कमा हुने युनाइटेड नेशन्स चिफ्स अफ पुलिस सम्मेलनमा सहभागी हुन सशस्त्र प्रहरी महानिरीक्षक दुर्जकुमार राई आइतबार राति त्यसतर्फ प्रस्थान गर्नुभएको छ । उहाँको साथमा सशस्त्र प्रहरी नायव महानिरीक्षक रामशरण पौडेल समेत त्यसतर्फ जानु भएको छ ।
संयुक्त राष्ट्र संघका महासचिव वान की मुनको निमान्त्रणामा सो सम्मेलनमा सहभागी हुन सशस्त्र प्रहरी महानिरीक्षक राई त्यसतर्फ प्रस्थान गर्नुभएको हो ।
उक्त सम्मेलन यही जेष्ठ २० र २१ गते दुई दिनसम्म संचालन हुने कार्यक्रम रहेको छ । संयुक्त राष्ट्रसंघीय शान्ति मिसनमा सहभागी भएका ८४ देशका प्रहरी प्रमुखहरु सो सम्मेलनमा सहभागी हुने कार्यक्रम रहेको छ ।
सो सम्मेलनमा परिवर्तित अवस्थामा संयुक्त राष्ट्रसंघीय शान्ति मिसनका चुनौती सम्बन्धमा छलफल हुने कार्यक्रम छ । यसैगरी शान्ति स्थापनार्थ खटिने मुलुकका सुरक्षाकर्मीलाई शान्ति मिसनको चुनौती अनुरुपको व्यावसायीक प्रशिक्षण आफ्नै मुलुकमा दिएर मिसनमा खटाउने लगाएतका विषयहरुमा समेत सो सम्मेलनमा छलफल हुने कार्यक्रम रहेको सशस्त्र प्रहरीका डीएसपी अजय छतकुलीले जानकारी दिए ।
dainiknepal