आशिषको पोलिग्राफ टेस्ट रोकियो, मनिषा हत्याको कारण अझै खुलेन
काठमाडौं, १७ जेठ । राष्ट्रिय फुटबलर विमल घर्तीमगरकी बहिनी मनिषा घर्तीको शंकास्पद मृत्यु भएको पाँच दिन वितिसक्दा पनि कारण खुल्न सकेको छैन् ।
कारण पत्ता लगाउन मनिषाका प्रेमी आशिष चौधरीको आज गरिने भनिएको पोलिग्राफ टेस्ट पनि रोकिएको छ । आशिषले टाउको दुःखेको भनेपछि प्रहरीले सम्पूर्ण तयारी गरिसकेको पोलिग्राफ टेस्ट अन्तिम आएर स्थगित गरेको हो ।
पोलिग्राफ भनेको सत्य तथ्य पत्ता लगाउने मेसिन हो । पश्चिमाञ्चल क्षेत्रीय प्रहरी कार्यालय पोखराको पोलिग्राफ परीक्षण विज्ञ टोलीले घटनाको सत्य तथ्य अनुसन्धान गर्नका लागि पोलिग्राफको सम्पूर्ण तयारी गरेपनि आशिषको टाउको दुखेपछि स्थगित भएको नवलपरासीका प्रहरी प्रमुख एसपी राजेन्द्र प्रसाद चौधरीले जानकारी दिए ।
‘आशिषले टाउको दुखेको भनेपछि अन्तिममा स्थगित गर्यौं । अब भोली हिानै परीक्षण गर्छाैं’ एसपी चौधरीले भने ।
उनका अनुसार मनिषाको पोस्टमार्टम रिपोर्ट टिचिङ हस्पिटलले प्रहरीलाई दिएको छैन् । जसका कारण कारण पत्ता लाग्न ढिला भइरहेको छ ।
