मनिषा मृत्यु प्रकरण : आशिषको टाउको दुखेपछि पोलिग्राफ टेस्ट हुन सकेन
परासी, १७ जेष्ठ । मनिषाको शंकास्पद मृत्युको घटनाको सत्यतथ्य पत्ता लागउन आज रुद्रनारायण (आशिष) चौधरीको गर्न लागिएको पोलिग्राफ परिक्षण टाउको दुखाईका कारणले स्थगित गरिएको छ । पश्चिमाञ्चल क्षेत्रिय प्रहरी कार्यालय पोखराको पोलिग्राफ परिक्षण बिज्ञटोलीले घटनाको सत्य अनुसन्धान गर्नका लागि पोलिग्राफको सम्पूर्ण तयारी पुरा गरेर आज परिक्षण गर्ने भने पनि टाउको दुखाईले स्थागित गरिएको हो ।
फुटबलर विमल घर्ति मगरकी बहिनी मनिषा घर्ती मगरको मृत्युको रहस्य पत्ता लगाउन मनिषाका प्रेमी आशिषको पोलिग्राफ परिक्षण आज गर्ने तयारी भएपनि आशिषले टाउको दुखेको भन्दै अनुमति नदिएपछि परिक्षण भोली विहानका लागि स्थागित गरिएको प्रहरी उपरिक्षक राजेन्द्र प्रसाद चौधरीले बताए ।
पोलिग्राफ परिक्षण सम्बन्धित व्यक्तिबाट सत्य तथ्य कुरा निकाल्ने एक प्राविधि प्रक्रिया हो । पोलिग्राफ परिक्षणमा ईन्भेस्टिगेटिभ, जटिल तथा उच्चस्तरका घटनाहरुको अनुसन्धान गर्ने प्रक्रिया हो ।
आज पोलिग्राफ परिक्षण गर्दा घटनाको पोष्टमार्टन रिपोर्ट र घटेको घटनाको आधारमा तयार ठोस प्रश्नहरु सोधेर गर्ने तयारी गरिएको जिल्ला प्रहरी कार्यालयले नवलपरासीले जनाएको छ ।
आशिषको पोलिग्राफ परिक्षणले घटनाको थप अनुसन्धानमा धेरै सहज हुने प्रहरी उपरिक्षक चौधरीले बताए ।
पोष्टमार्टनका लागि काठमाण्डौ लगिएको मनिषाको शवको अधिकारीक रिपोर्ट अझै जिल्ला आउन सकेको छैन ।
मनिषाको अन्तयेष्टी भईसक्दापनि भने पिडित पक्षले घटनाको सत्यतथ्य छानबिन र दोषीलाई कारवाहीका लागि जिल्लामा विभिन्न दबाब मुलक कार्यक्रमहरु गर्दै आएको छ ।
ratopati
