टर्की पुगेर नेपाली टोलीले संविधान र विकासको रफ्तारलाई यसरी चिनायो

काठमाडौं, १७ जेठ । अल्प विकसित राष्ट्रको लागि २०११ मा पारित गरेको स्तानुबुल कार्ययोजनाको समिक्षा बैठकमा भाग लिन गएको नेपाली टोली स्वदेश फर्किएको छ ।
टर्कीमा भएको ३ दिने अल्पविकसित राष्ट्रहरुको भेलामा सहभागी भई उपप्रधानमन्त्री एवं परारष्ट्रमन्त्री कमल थापाको नेतृृत्वमा गएको नेपाली प्रतिनिधिमण्डल सोमबार स्वदेश फर्केको हो ।
समिक्षा बैठकलाई उपप्रधानमन्त्री थापाले सम्बोधन गर्नुभएको थियो । उहाँले ईस्तानाबुल कार्ययोजना कार्यान्वयन गर्दा नेपालले प्राप्त गरेको उपलब्धी र भावि कार्यदिशाको बारेमा प्रकाश पार्नुभएको थियो । कार्ययोजनाले समेटेको विषयलाई नेपालले के कसरी कार्यान्यवन गर्देछ ? यसले आगामी दिनमा थप गति प्रदान गर्न अन्तर्राष्ट्रिय समुदायले नेपाललाई के कसरी सहयोग गर्न सक्छ भन्नेमा सहभागिहरुले जोड दिएका थिए ।
नेपालले अल्पविकसित राष्ट्रबाट विकासोन्मुख राष्ट्रतर्फ अघि बढाउन काम गरिरहेको समेत समिक्षा बैठमा उपप्रधानमन्त्री थापाले प्रष्ट पार्नु भएको बैठका सहभागी साँसद डम्बरध्वज तुम्वाहाम्फेले बताउनुभयो ।
संयुक्त राष्ट्रसंघ र टर्की सरकारले संयुक्त रुपमा आयोजना गरेको यो मध्यावधी समिक्षा बैठकमा अफ्रिकाका ३४, एशिया प्यासिफिकका १३, ल्याटिन अमेरिका, हैटी गरी जम्मा ४८ राष्ट्रका विकसित तथा दातृ संस्था, संयुक्त राष्ट्रसंघीय निकायका उच्चस्तरीय प्रतिनिधिमण्डल, युरोपियन युनियन, विश्व बैंक लगायतका उच्चस्तरीय संस्थाका प्रतिनिधिहरुले कार्यक्रमलाई सम्बोधन गरेका थिए ।
अल्पविकसित राष्ट्रहरुका लागि २०११ मा पारित भएको कार्ययोजना विभिन्न देशमा के कसरी कार्यान्वयन भईरहेका छ । भविश्यमा यो कसरी कार्यान्वय गर्न सकिन्छ भनेर छलफल भएको सासद तुम्बाहाम्फेले बताउनुभयो ।
समिक्षा कार्यक्रम राजनीतिक घोषणा पत्रको रुपमा आउटकम डकुमेन्ट बनाएर पारित गरिएको सांसद तुम्बाहाम्फेले बताउनुभयो ।
यस्तै संसद मञ्चम फोरममा नेपालको प्रतिनिधित्व गदै गत शनिवार सासद तुम्वाहाम्फे सहभागी भई आतंकबाद, इबोला र जलबायु परिर्वतनका बारेमा भएका कार्यक्रमा सहभागी हुन भएको थियो ।
dainiknepal