नक्कली बावु र छोरा बनी नागरिकता बनाएकोमा दुइ पक्राउ
१७ जेठ, गुल्मी।
नक्कली बावु र छोरा बनी नागरिकता बनाएको अभियोगमा जिल्ला प्रशासन कार्यालय गुल्मीले दुई जनालाई पक्राउ गरेको छ । पक्राउ पर्नेमा सान्तीपुर गाविस ५ निवासी नर वहादुर थापा क्षेत्री र निजका छोरा काजी वहादुर थापा रहेका छन् ।
निजले २०६० चैत १५ मा वावु नरवहादुर थापा क्षेत्रीको छोरा काजी बहादुर थापा बनाई जिल्ला प्रशासन कार्यालय गुल्मीवाट नागरिकता प्राप्त गरेकोमा पुन दोश्रो पटक २०७३ वैशाख १३ मा बावुको नाम परिवर्तनगरि उत्तम बहादुर थापा र आफ्नो नाम लोक बहादुर थापा बनाई जिल्ला प्रशासन कार्यालय गुल्मीवाट नागरिकता लिएको प्रमाणको आधारमा बावु र छोरा दुवैलाई पक्राउ गरिएको प्रमुख जिल्ला अधिकारी प्रदिपराज कँडेलले जानकारी दिएका छन्।
उनीहरु विषेश सुराकीको आधारमा राहदानीको सिफारिस लिनभनि आएको अवस्थामा जिल्ला प्रशासन कार्यालयवाटै पक्राउ परेका हुन् । उनीहरुको साथवाट जिल्ला प्रशासन कार्यालयवाट जारी गरिएका नयाँ र पुरानो दुवै नागरिकताहरु समेत वरामद गरिएको छ ।
रोगागारीको शिलशिलामा जापान जानकालागि गाविस सचिवलाई समेत झुक्याएर उक्त नागरिकता बनाएको बताईएको छ । पक्राउ परेका वावु र छोरा दुवैलाई थप अनुसन्धान र कार्वाहीका लागि जिल्ला प्रहरी कार्यालय गुल्मीमा राखिएको छ ।
त्यसैगरि जिल्ला प्रशासन कार्यालय गुल्मीवाट लुकिछिपि नागरिकताको कभर (खोल) विक्र गर्दैै गरेको अवस्थामा एक युवकलाई समेत पक्राउ गरिएको छ ।nepaliheadlines
