बुढानिलकण्ठमा टिपर खोलामा खस्यो, दुई जनाको मृत्यु

काठमाडौं, १७ जेठ । राजधानीमा टिपर दुर्घटनामा परी दुई जनाको मृत्यु भएको छ ।
केन्द्रीय प्रहरी समाचार कक्षका अनुसार काठमाडौंको बुढानिलकण्ठ नगरपालिका–९ कपन निखिलेश्वर मन्दिर नजिक ना.४ ख ७२२ नम्बरको टिपर आइतबार खोलामा खस्दा सह–चालक काँडाघारी बस्ने १८ वर्षीय विशाल तामाङको घटनास्थलमै मृत्यु भएको हो ।
दुर्घटनामा टिपर चालक सोही ठाउँ बस्ने २३ वर्षीय जोन श्रेष्ठ समेत घाइते भएकोले उपचारको लागि ओम अस्पताल चाबहिलमा लगिएको छ ।
यसैगरी ललितपुरको बज्रवाराही नगरपालिका–११ स्थित बा.२ ख ७२९३ नम्बरको टिपर आइतबार अनियन्त्रित भई सडकबाट करीब ५० मिटर तल खस्दा टिपर चालक ३३ वर्षीय राजिब तामाङको घटनास्थलमै मृत्यु भएको छ ।
दुर्घटनामा घाइते भएका सह-चालकको पाटन अस्पतालमा उपचार भइरहेको छ ।
dainiknepal