‘साकाहारी सगरमाथा आरोही’ को सपना लेक लागेर सदाका लागि चुँडियो
११ जेठ, काठमाडौं ।
साकाहारी पनि सगरमाथाको चुचुरोमा पुग्न सक्छन् भनेर किर्तिमान राख्ने उद्देश्यले आरोहणमा गएकी एक विदेशी महिलाको लेक लागेर निधन भएको छ ।
माउन्ट एभरेष्ट होइन विश्वको सर्वोच्च शिखर – अन्तराष्ट्रिय मिडिया
सगरमाथा आरोहणका क्रममा लेक लागेपछि विचबाटै फर्किएकी दक्षिण अफ्रिकाकी नागरिक डा मारिया स्ट्रिडोमको अक्सिजनको अभावले निधन भएको हो ।
उनी अष्ट्रेलियाको मेलबर्नस्थित मोनाश युनिभर्सीटिकी सहायक प्राध्यापक रहेको डेली मेलले जनाएको छ ।
सगरमाथाको चुचुरोमा पुग्ने अन्तिम शिविर क्याम्प फोरबाट शुक्रबार फर्किएकी उनको शनिबार निधन भएको समाचारमा जनाइएको छ ।
३४ वर्षीया दक्षिण अफ्रिकी महिलाका साथमा रहेका पति भने सकुशल छन् । मारिया र उनका पतिले साकाहारी कमजोर हुँदैनन् भन्ने पुष्टी गर्नका लागि सगरमाथाको चुचुरोमा पुग्ने अभिलाशा राखेका थिए ।
सगरमाथा आरोहण सफल भएको भए आफू सगरमाथा शिखरमा पुग्ने पहिलो साकाहारी ब्यक्ति बन्ने भन्दै मारियाले साथीभाइलाई सुनाउने गरेको पनि डेली मेलले जनाएको छ ।
सगरमाथा चढ्ने स्वीकृति लिनको लागि किन ७० हजार डलर लाग्छ?nepaliheadlines
