माओवादी मिल्दा भारतीय महाभारत

१२ जेठ , काठमाडौं ।

पुराना सहकर्मीलाई घर फर्काउन छिमेकी राष्ट्रको विस्तारवादी प्रवृत्तिलाई दस्तावेजबाट निकाल्नुपर्ने अवस्था आउला भन्ने प्रचण्ड कमरेडलाई के अनुमान ! तर, भयो त्यस्तै ।

पार्टी एकताको अघिल्लो दिन लाजिम्पाट पुगेका मातृका यादवले अध्यक्षलाई भने, ‘दस्तावेजबाट भारतीय विस्तारवाद भन्ने शब्द हटाउनु पर्यो । यसले तपाईलाई अप्ठ्यारोमा पार्छ । हामीलाई पनि सिध्याउँछ । ’

तर यसमा प्रचण्डको नकारात्मक जवाफ सुन्नासाथ मातृका ‘अब एकता सेकता सम्भव छैन’ भन्दै जुरुक्क उठेर बाटो लागे । सम्झाउने जिम्मा मणि थापालाई आइलाग्यो ।

बानेश्वरको थापागाउँसिथ्त मातृकाकै सम्पर्क कार्यालयमा दुईजना भेटेर लामो कुरा गरे । सोहीबमोजिम मातृकलाई एकताको घोषणा हुने बिहान बबरमहलको एउटा घरमा प्रचण्डसँग भेटाइयो ।

शुरुमै मातृकाले आफनो सर्त अघि सारे ‘मधेस आन्दोलनमा हिजो भएको दमनको विरोध हुनु पर्छ र अहिले जारी आन्दोलनप्रति पार्टीले समर्थन जनाउनु पर्‍यो । यो सरकार दमनकारी छ यस्तोमा आउन मलाई गाह्रो पर्छ । ’ उनले सर्त कसे, ‘मधेसचाहिँ पहाडको उपनिवेश भयो भन्ने वाक्य दस्तावेजमा हाल्नुपर्‍यो ।’

पछि उपनिवेश झल्कने प्रवृत्ति भए त्यो विरुद्ध संघर्ष गर्ने वाक्यांश हालेर चित्त बुझाइयो । जनआस्था साप्ताहिकमा खबर छ ।nepaliheadlines