हतियारको कारण देखाएर राष्ट्रसंघले नेपाली मिसनको कटौती गर्ने खतरा

संयुक्त राष्ट्र संघको अनुरोधमा विभिन्न मुलुकमा तैनाथ हुने नेपाली शान्ति सेनाले प्रयोग गर्ने हतियारको बारेमा संयुक्त राष्ट्र संघले गम्भीर आपत्ति जनाएको पाइएको छ। नेपाल समाचार पत्रमा समाचार छ।
विश्वमा शान्ति सेना पठाउने छैठौं मुलुकका रुपमा रहेको नेपालले शान्ति सेनामा पठाउँदा राष्ट्र संघले तनोकेको मापदण्डभन्दा बाहिरको हतियार पठाएको भन्दै राष्ट्र संघले नेपाल सरकारको ध्यानाकर्षण गराएको भएपनि अहिलेसम्म शान्ति सेनाका रुपमा खटिने नेपाली सुरक्षा फौजले राष्ट्र संघको मापदण्ड पूरा गर्न सकेका छैनन्।
द्वन्द्वग्रस्त मुलुकमा खटिएका नेपाली शान्ति सैनिकहरुले यसअघि नै राष्ट्र संघले फेजआउट गरेको ७ प्वाइन्ट ६२ क्यालिवरको हतियार प्रयोग गर्दै आएका छन्।राष्ट्र संघले शान्ति मिसनहरु जटिल बन्दै गएकाले आधुनिक हतियार प्रयोग गर्नु पर्ने भन्दै शान्ति सेना उपलब्ध गराउँदै आएका मुलुकलाई ५ प्वाइन्ट ५६ क्यालिवरको हतियार प्रयोगमा ल्याउन निर्देशन दिएको भएपनि नेपालले भने राष्ट्र संघको निर्देशनलाई पालना गरेको छैन।
news24nepaltv